Shimoliy Karolina Universiteti (Chappel-Xill) olimlari birinchi trimestrda ko’ngil aynishi va qusish kabi toksikoz alomatlari homiladorlikning spontan abort (mish-mish tushish) xavfini kamaytirishini ko’rsatadigan yaxshi prognoz belgisi ekanligi to’g’risida xulosaga keldilar.
Toksikozning homiladorlikka ta’sirini o’rganayotgan tadqiqotchilar turli yoshdagi 2400 ayolning homiladorlik tarixini tahlil qildilar. Ularning 89%ida homiladorlik yengil toksikoz alomatlari, 53%ida esa ko’ngil aynishi va qusish bilan kechgan. Tadqiqot davomida 20 haftagacha bo’lgan homiladorlarning 11%ida spontan abort holati ro’y bergan.
Ma’lumotlarni tahlil qilgan olimlar, toksikoz alomatlari bo’lmagan ayollarda homiladorlikning o’z-o’zidan tugashi xavfi ko’ngil aynishi va qusishdan aziyat chekkanlarga qaraganda 3,2 marta yuqori ekanligini aniqladilar. Bundan tashqari, 25 yoshgacha bo’lgan toksikozsiz ayollarda abort xavfi toksikozli ayollarga nisbatan 4 marta, 35 yoshdan oshganlarda esa 12 marta ko’proq bo’lgan.
Tadqiqot jarayonida toksikozning davomiyligi va abort xavfi o’rtasidagi bog’liqlik ham aniqlandi: ko’ngil aynishi va qusish alomatlari qancha uzoq davom etsa, homiladorlikning o’z-o’zidan tugashi ehtimoli shunchalik past bo’lgan.
Mutaxassislar birinchi trimestr toksikozini homiladorlikning normal o’tishi uchun «kafolat» deb ta’kidlamasada, toksikoz va past abort xavfi o’rtasida shubhasiz bog’liqlik mavjudligini tan olishadi.
20 ta fikr