QOʻLLASH BOʻYICHA YOʻRIQNOMA
GЕMODЕZ-N
HAEMODESUM-N
Preparatning savdo nomi: Gemodez-N
Kimyoviy nomi: quyimolekulyar polivinilpirrolidon (molekulyar massasi 8000±2000).
Dori shakli: infuziya uchun eritma.
Tarkibi:
Quyimolekulyar tibbiy
polivinilpirrolidon 8000±2000 – 60 g
Natriy xloridi – 5,5 g
Kaliy xloridi – 0,42 g
Kalsiy xloridi geksagidrati – 0,5 g
magniy xloridi geksagidrati – 0,005 g
natriy gidrokarbonati – 0,23 g
inyeksiya uchun suv – 1 l gacha.
Taʼrifi: tiniq, och sariq yoki sariq rangli suyuqlik.
Farmakoterapevtik guruhi: dezintoksikatsion vosita.
ATX kodi: B05AA
Farmakologik xususiyatlari
Gemodez-N ning taʼsiri quyimolekulyar polivinilpirrolidonni qonda aylanib yuradigan toksinlarni bogʻlab olish va ularni organizmdan tez chiqarib yuborish xususiyati bilan bogʻliqdir. Gemodez-N polivinilpirrolidonning pasttroq molekulyar massasi bilan Gemodezdan farq qiladi. Polimerning molekulyar massasini pasayishi uni buyraklar orqali organizmdan chiqarilishini tezlashtiradi va preparatning dezintoksikatsion xususiyatlarini yaxshilaydi. U buyrakda qon oqimini kuchaytiradi, kalavalar filtratsiyasini oshiradi va diurezni kuchaytiradi.
Farmakokinetikasi
Organizmda metabolik oʻzgarishlarga uchramaydi. Buyraklar orqali tez chiqariladi, 4 soat davomida 80% chiqariladi, 12-24 soat oʻtgach esa butunlay chiqib ketadi.
Qoʻllanilishi
Shok (posttravmatik, operatsiyadan keyingi, kuyish, gemorragik), intoksikatsiya (meʼda-ichak yoʻllarning zaharli kasalliklari: dizenteriya, dispepsiya, salmonellyoz); peritonitlarda operatsiyadan keyingi davrda dezintoksikatsiya vositasi sifatida; jigar yetishmovchiligini rivojlanishi bilan birga kechuvchi jigar kasalliklari, ichak tutilishi, tireotoksikoz; kuyish kasalligi, oʻtkir nur kasalligi, sepsis, pnevmoniya; miokard infarktining oʻtkir bosqichi; yangi tugʻilgan chaqaloqlarning ona qornidagi infeksiyasi va toksemiya, homiladorlarning toksikozi.
Qoʻllash usuli va dozalari
Filtrli sistema orqali tomchilab (minutiga 40-80 tomchi tezlikda) vena ichiga yuboriladi.
Doza bemorning yoshiga va intoksikatsiyaning ogʻirligiga bogʻliq.
Kattalar uchun bir martalik doza – 200-500 ml, bolalar uchun 5-10 ml/kg; koʻkrak yoshidagi bolalar uchun maksimal doza – 50-70 ml, 2-5 yosh – 100 ml; 5-10 yosh – 150 ml; 10-15 yosh –
200 ml. Preparat infeksiyaning ogʻirligiga qarab, bir marta yoki takror (sutkada 2 martagacha) 1-10 kun davomida yuboriladi. ¡tkir meʼda-ichak infeksiyalarida, kuyish va nur kasalligida sutkada 1-2 marta yuboriladi; yangi tugʻilgan chaqaloqlarning gemolitik kasalligi va toksemiyasida – sutkada 2-8 marta (har kuni yoki kunora); katta oʻchogʻli miokard infarktida (sutkada) – 200 ml bir marta, asoratlarida 2 sutkada – 200 ml.
Nojoʻya taʼsirlari
Gemodez-N sekin yuborilganida odatda asoratlar chaqirmaydi. Yuqori tezlikda yuborish arterial bosimni pasayishi, taxikardiya, nafasni qiyinlashishini chaqirishi va tomirlarni toraytiruvchi va yurak vositalarini, kalsiy xloridini yuborishni talab qilishi mumkin. Ayrim bemorlarda allergik reaksiyalarni, hatto anafilaktik shokni rivojlanishi paydo boʻlishi mumkin. Bunday hollarda darhol Gemodez-N infuziyasini toʻxtatish, simptomatik davolashni (antigistamin, kardiotonik vositalarini, glyukokortikoidlarni, vazopressor preparatlarni yuborish) oʻtkazish kerak.
Qoʻllash mumkin boʻlmagan holatlar
Preparatga yuqori sezuvchanlik, bosh miya ichki gipertenziyasi, gemorragik insult, bosh-miya jarohatlaridan keyingi holat, IIB-III darajadagi yurak-tomir yetishmovchiligi, nafas yetishmovchiligi, ogʻir allergik reaksiyalar, tromboemboliya, oliguriya, anuriya, oʻtkir nefrit, bronxial astma, flebotromboz.
Maxsus koʻrsatmalar
Katta kuyishlarda plazma, albumin, gamma-globulinning yuborilishi bilan birga qoʻshiladi.
Infuziyani boshlashdan oldin shifokor oʻramning germetikligi va butunligini tekshirishi shart Preparat tiniq boʻlishi, osilmalar, choʻkmalar va mogʻorlar saqlamasligi kerak. Vizual koʻruv natijalari kasallik tarixida qayd etiladi.
Yuborishdan oldin eritmani tana harotatigacha ilitish kerak.
Preparat bolalar olaolmaydigan joyda saqlansin va yaroqlilik muddati oʻtgach qoʻllanilmasin.
Dozani oshirib yuborilishi
Doza oshirib yuborilganida preparatni bekor qilish va simptomatik davolashni oʻtkazish kerak.
Chiqarilish shakli
Infuziya uchun eritma.
100, 200, 250, 400, 500 ml dan infuziya uchun eritmalar, mos ravishda 100, 200, 250, 450 va 500 ml hajmli, qon, infuzion-transfuzion preparatlar uchun shisha butilkalarda.
1 butilkadan qoʻllash boʻyicha yoʻriqnomasi bilan karton quticha oʻramlarga joylanadi.
100, 200 ml hajmli 28 butilkadan yoki 450, 500 ml hajmli 15 butilkadan 5-10 qoʻllash boʻyicha yoʻriqnomasi bilan birga gofrirlangan karton qutilarga joylanadi [statsionarlar uchun].
Saqlash sharoiti
25oS dan yuqori boʻlmagan haroratda.
Yaroqlilik muddati
3 yil.
Dorixonalardan berish tartibi
Retsept boʻyicha.
