Qorin sohasini uqalash
Soat aylanasi bo’yicha o’ngdan chap tarafga qaratilgan harakat bilan uqalanadi. Bu jarayonda qorinning pastki sohasidagi bezovtalik, bosim ancha yengillashadi.
Parhez
Hayz oldi kunlari hamda boshlanganidan so’ng og’ir hazm bo’luvchi, yuqori kaloriyali hamda yog’li mahsulotlarni cheklab turing. Eng ma’quli parhezbop yeguliklar.
Jismoniy mashqlar
Badantarbiya, yoga, nafas mashqlari yordamida organizmingizdagi zo’riqish hamda og’irlikni bartaraf etishga erishasiz. Buning uchun 5-10 daqiqa vaqtingizni ayamasangiz kifoya.
Vitamin va minerallar
Og’riq davomli va o’tkir, so’nggi hayz davrlarida tez-tez takrorlanayotgan bo’lsa, shifokor ko’rsatmasi bilan magniy, kalsiy, B va E guruhi vitaminlaridan qabul qilishingiz mumkin.
Dorivor damlamalar
Maymunjon (murabbosi yoki quritilgan mevasi), limono’t (melissa), jo’ka (lipa) va bodrezak (kalina) o’simliklaridan tayyorlangan damlamalar ham og’riqni yengillashtirishida asqotadi.
Uyqu holati
Mutaxassislar, embron holatida uxlash yoki shunchaki dam olish qorin mushaklaridagi siqilish (spazm)ni bartaraf etishda yordam beradi deyishadi. Sinab ko’ring.
Og’riq qoldiruvchi preparatlar
Agar og’riqdan tinkangiz qurib, halovangiz bo’lmayotgan bo’lsa, shifokor ko’rsatmasi bilan og’riqsizlantiruvchi preparatlarga murojaat etishingiz mumkin. Ammo miqdorini oshirib yubormang.
TAVSIYA ETILMAYDI !!!
- Qorin ustiga issiq grelka qo’yish;
- Moychechak damlamasini qabul qilish;
- Spazmolitik guruhiga mansub preparatlar miqdorini oshirish;
- Qorin sohasiga muz solingan sochiq qo’yish.